VLC for Android

VLC media player ღია და თავისუფალი, მრავალპლატფორმული მედიადამკვრელია, რომელსაც შეუძლია სხვადასხვა სახის ფაილის გაშვება, მათ შორის დისკებიდან, მოწყობილობებიდან და ქსელური ნაკადის ოქმებიდან.

ესაა VLC media player, მორგებული Android™ პლატფორმაზე. VLC Android-ზე გამოიყენება ხმოვანი და ვიდეოფაილების გასაშვებად, ქსელში ნაკადებიდან, გაზიარებული საცავებიდან, მისაერთებელი მოწყობილობებიდან, DVD-დისკების ISO-ასლებიდან, მსგავსად, როგორც კომპიუტერის VLC.

VLC Android-ზე სრულყოფილი აუდიოდამკვრელია, სრული მონაცემთა ბაზით, ხმის მათანაბრებლითა და ფილტრებით, ყველა უჩვეულო ფორმატის მხარდაჭერით.

VLC განკუთვნილია ყველასთვის, სრულიად უფასოა, რეკლამების გარეშე, შიდა გადასახადების გარეშე, მეთვალყურეობის გარეშე და შემუშავებულია მხურვალე მოხალისეების მიერ. პირველწყარო კოდი მთლიანად ღია და თავისუფალია.


შესაძლებლობები
––––––––
VLC Android™ გამოიყენება როგორც ადგილობრივი ხმოვანი და ვიდეოფაილების გასაშვებად, ასევე ქსელით მიღებული ნაკადებიდან (თავსებადი სახის ნაკადებითაც), DVD-დისკის ISO-ასლებიდან, მსგავსად კომპიუტერის VLC. გარდა ამისა, მხარდაჭერილია გაზიარებული დისკებიც.

ყველა სახის ფაილია მხარდაჭერილი, მათ შორის MKV, MP4, AVI, MOV, Ogg, FLAC, TS, M2TS, Wv და AAC. შეიცავს ყველა დამშიფრავს, დამატებითი ჩამოტვირთვების გარეშე. მხარდაჭერილია ქვეწარწერებიც, ტელეტექსტიც და დართული წარწერებიც.

VLC Android-ზე აღჭურვილია მედიაფაილების ბიბლიოთეკით, რაც საქაღალდეების პირდაპირ მოძიების საშუალებას იძლევა.

VLC-ს გააჩნია მრავალარხიანი ხმისა და ქვეწარწერების მხარდაჭერა. აქვს თვითშებრუნების, ზომების თანაფარდობის მორგებისა და ჟესტებით ხმის დონის, ასევე სიკაშკაშისა და სიჩქარის მართვის შესაძლებლობები.

აგრეთვე შეიცავს ვიჯეტს ხმის სამართავად, მხარდაჭერილია ყურსასმენებიდან მართვაც, გარეკანის სურათები და ხმოვანი მედიაფაილების სრული ბიბლიოთეკა.


ნებართვები
––––––––––––
VLC Android-ზე საჭიროებს შემდეგი სახის ნებართვებს:
• „ფოტო/მედიაფაილები“ ყველა ფაილის წასაკითხად :)
• „საცავი“ ფაილების SD-ბარათიდან წასაკითხად :)
• „სხვა“ ქსელთან კავშირების შესამოწმებლად, ხმის დონის შესაცვლელად, ზარის დასაყენებლად, Android TV-ზე გასაშვებად და ამომხტომ ფანჯარაში გამოსაჩენად, ვრცლად იხილეთ ქვემოთ.

ნებართვები დაწვრილებით:
• საჭიროებს „წაკითხვას USB-საცავის შიგთავსიდან“, მასზე განთავსებული მედიაფაილების გასაშვებად.
• საჭიროებს „შეცვლასა და წაშლას USB-საცავის შიგთავსიდან“, მასზე განთავსებული ფაილების წასაშლელად და ქვეწარწერების შესანახად.

• საჭიროებს „ქსელთან სრულ წვდომას“, პირდაპირი ეთერის ქსელიდან გასახსნელად.
• საჭიროებს „ტელეფონის მოცდის რეჟიმში გადასვლის არიდებას“, ვიდეოს ყურების დროს ჩაქრობის ასარიდებლად.
• საჭიროებს „ხმის პარამეტრების ცვლილებას“, ხმის დონის შეცვლისთვის.
• საჭიროებს „სისტემის პარამეტრების ცვლილებას“, ზარის ხმის ჩასანაცვლებლად.
• საჭიროებს „ქსელის კავშირების ნახვას“, კავშირის შესაძლებლობის შესამოწმებლად, ნაკადის შესაძლებლობების გამოსაჩენად ან დასამალად.
• საჭიროებს „სხვა აპებზე გადაფარვას“, ამომხტომი ფანჯრის გამოსაყენებლად.
• საჭიროებს „ვიბრაციის მართვას“, სამართავზე ზემოქმედების შესატყობინებლად.
• საჭიროებს „ჩართვისას გაშვებას“, რომ Android TV შემოთავაზებებს გაწვდიდეთ გამშვებ ეკრანზე, გამოსადეგია მხოლოდ მაშინ, როცა Android TV გამოიყენება.
• საჭიროებს „ხმის ჩაწერას“, Android TV ხმოვანი ბრძანებებით რომ იმართოს, გამოსადეგია მხოლოდ მაშინ, როცა Android TV გამოიყენება.