Қизлар тарбияси

АЛИЙ НАЗИМОВ
ҚИЗЛАР ТАРБИЯСИ
Қизлар одобу аҳлоқли бўлиш, уй тутиш, рўзғор ишларини режа билан олиб бориш, бекаликни, оналикни ўрнига қўйиб адо этиш, умуман аёллик вазифасини бажариш учун нималарни билишлари керак?
ХИХ аср охири ва ХХ аср бошларида яшаб ижод этган таниқли турк олими ва машҳур маърифатпарвари Алий Назимонинг «Қизлар тарбияси» номли ушбу китобидан ана шу саволларга жавоб топишингиз мумкин.
Таржимон ва нашрга тайёрловчи Тешабой Зиёев Таниқли турк олими ва машҳур маърифатпарвари Алий Назимо ХИХ аср охири ва ХХ аср бошларида яшаб ижод этган бўлиб, бошланғич ва ўрта мактаблар учун олтмишдан зиёд дарсликлар, қироат китоблари ёзган.
Унинг алифбога доир уч жуз ва қироатга доир уч жуздан иборат «Идмон» (машқ) номидаги асарлари; имло ва аҳлоққа доир «Ўқув», «Иловали рисолайи аҳлоқ»; турк тилига доир «Мухтасари сарфи усмоний», «Мухтасар-и қавоид-и усмонийя», «Лисони усмоний»; араб тилига доир «Мифтоҳ асмо-йи арабийя қавоиди» (биринчи дафтар), «Мифтоҳ афол-и арабийя қавоиди» (иккинчи дафтар), «Навобиғу-л-калим» (Замахшарийнинг «Жумал-и балиға» асарининг таржимаси); форс тили ва форсча қироатга доир «Тартиб-и жадид-и таълим-и форсий», «Сунбулистон», «Иловали насиқат-и ҳукамо»; француз тилига доир «Янги алифбойи францавий», «Қавоид-и лисон-и фран-савий», «Сарф-и францавий», «Французча-туркча луғат китоби» шулар жумласидандир.
Алий Назимонинг кўпгина асарлари ўрта Осиёда ҳам жуда катта шухрат қозонган, мактаб-мадрасаларда дарслик сифатида ўқитилган.
Айрим асарлари Тошкентда ҳам нашр қилинган.