صاحبة الفستان البينك

اشتقت إليك بدون أسباب

اشتقت إليك مش عارف ليه

ربنا خلق الأول آدم

وخلق حوّا تتسند بيه

أنا وأنتِ أسئلة

إزايّ وليه ولماذا وإذا

جوّابنا العشق الذي

خلانا ضهر لبعض وقت الأذى

إنهاردة أنا شفتِك فـ الشارع

شفت فـ عينيكِ لمعة حُزن

قلت لنفسي إزايّ ياعبيط

تزعلها وتخلي زعلها واصل للنرفزة

معلش أنا أسف عارف إني مقصّر

لكن والله أنا مِتكسر

من كتر ما أنتِ بعيدة

بقيت من أقل حاجة بتأثر

ودا مش ضعف ولا عيب

كل الحكاية أني مش بس حبيب

أنا أب وأخ وحضن كبير

أنا عمري ماهسيب

أشتقت إليك بدون أسباب

بخبط من ياما أفتحيلي الباب

كفاية بُعد حرام كده

كفاية عذاب ..

أنا مش محتاج غير دقيقة كل يوم

ياسِتي تعالي على نفسِك إنشالله ثانية

تعالي نفتح صفحة جديدة

ولا نخليها كتاب...

يكون كله عشق وأغاني

مايكُنش فيه حُزن تاني

مايكُنش فيه بُعد تاني

مايكُنش فيه غياب

أشتقت إليك بدون أسباب