भ्रष्टाचार आपल्याकडच्या कारभाराच्या रंध्रारंध्रात झिरपला आहे.त्यामुळे सामान्य माणसाचा प्रशासकीय व कायदेविषयक यंत्रणा आणि पद्धती यांवरचा विश्वासच उडाला आहे. अशा परिस्थितीत देशाला गरज आहे ती; इथल्या तपास आणि कायदेविषयक यंत्रणेची आणि सुव्यवस्था राखणाऱ्या यंत्रणांची कसून चौकशी होण्याची. त्यासाठी स्वतंत्र भ्रष्टाचारविरोधी अधिकारपदाची गरज आहे, ज्या पदाला तपास वखटला चालवण्याचे कायदेशीर अधिकार असतील.या सुधारित आणि विस्तारित आवृत्तीत, नोकरशहा आणि अधिकारी यांनीच पोलीस-यंत्रणेमध्ये आवश्यक त्या सुधारणा करण्याच्या मार्गात अडथळे कसे निर्माण केले, याचे तपशीलवार कथन करण्यात आले आहे. विशेष म्हणजे याबाबतचा निकाल सुप्रीम कोर्टाने दिला होता. परंतु तसे न करता त्या व्यक्तींनी बेदी यांची पोलीस कमिशनरपदी नियुक्ती होऊ नये, यासाठी अडथळे निर्माण केले. या अडथळ्यांवर मात करत, ३५ वर्षांच्या प्रदीर्घ सेवेनंतर बेदी यांनी, सत्तेचा गैरवापर करणाऱ्यांसोबत काम न करण्याचे ठरवले. अशा लोकांसमोर मान तुकवायची नाही, असा त्यांनी निर्धार केला. पण खरेच या व्यक्तींनी विकासाच्या मार्गात अडथळे-अडचणी निर्माण करून, मनोधैर्य खच्ची करण्याचा प्रयत्न करून काय मिळवले? असे अनेक प्रश्न मागे उरतातच. किरण बेदी म्हणतात, ‘माझा आत्मसन्मान, न्यायबुद्धी आणि माझा विश्वास व मूल्ये यांनी माझ्या आत्मविकासामध्ये अडथळे निर्माण करणाऱ्यांवर मात करण्याची प्रेरणा मला दिली. म्हणूनच मी कोणाच्याही बंधनात न राहण्याचा निर्णय घेतला.’ प्रेरक, अंतर्दृष्टी देणारे आणि जागरूक करणारे कथन!