Krag van die siel: Vyf edel waarhede vir ’n suksesvolle lewe
About this ebook
Dit is ’n opvolg op sy vroeëre boek, die hoogaangeskrewe, FOOD YOGA – Nourishing Body, Mind & Soul wat hom wêreldroem besorg het as die Food Yogi.
“Een aand in New York, terwyl ek pen in die hand by die tafel gesit en effens mismoedig gevoel het, het ek myself die eenvoudige vraag gevra: Wat is spesiaal aan my?
Ek het my pen toegelaat om te vloei sonder om te veel oor die antwoorde na te dink, en tot my verbasing het ek met vyf verklarings vorendag gekom. Dis maklik om te onthou, en soos julle sal sien, het dit raakpunte met die kern van ons bestaan.
So is die vyf edel waarhede, wat nou rigting in my lewe verskaf, gebore: Ek is kragtig; Ek is beskerm; Ek is volmaak; Ek is prasadam; Ek is voorspoedig,” het hy verduidelik.
Turner hoop dat hierdie verklarings mense die vertroosting, krag en die wysheid sal besorg wat hulle nodig het om sukses in die lewe te behaal en om hulle te herinner presies hoe ongelooflik hulle as geestelike siele is.
In die uitbreiding van die betekenis van elke verklaring, het Turner die leringe van verskeie esoteriese en geestelike tradisies gebruik, met spesiale verwysing na die Vediese geskrifte. “Ek het die boek in wese vir myself geskryf,” sê hy. “Terwyl ek besig was om elke woord te tik, het ek die rol van empatiese vriend wat bemoediging bied, aangeneem. Elke woord in hierdie boek is met die uiterste opregtheid en ter bemoediging deur die hand van ’n vriend geskryf.”
’n Verklaring is ’n bevestiging van iets wat waar is. Turner hoop dat lesers aanklank sal vind by die verklarings in Kra
About the author
Paul Rodney Turner is in Sydney, Australië, gebore en het in Sydney se uitgestrekte, Westelike voorstede in staatsbehuising grootgeword. Van ’n baie vroeë ouderdom af was hy geïnteresseerd in astronomie, astrologie, numerologie, potspel en grafiese ontwerp. Op die ouderdom van 19 het Paul die huis verlaat om ’n kluisenaarslewe in Sydney se Blue Mountains te lei. In hierdie tyd het hy Jain 108 ontmoet, ’n ontluikende kunstenaar en heilige geometrikus, wat gefassineer was met towervierkante. Jain het Paul se nuuskierigheid oor hierdie towervierkante geprikkel. Kort daarna het Paul by ’n ashram aangesluit om ’n bhakti-yogi te word, en ’n eed van selibaatheid geneem. Vir die volgende 14 jaar het Paul, nou bekend as Priyavrata das – of Priya in kort – by sy mede-Vaishnava-monnike, die antieke leringe van die Vedas soos onderrig deur Sy Goddelike Hoogheid, A.C. Bhaktivedanta Swami bestudeer. Gedurende hierdie tyd het Priya sy belangstelling in die mistieke kuns van numerologie en heilige geometrie verder beoefen. Dit is dus geen verrassing dat Paul se fassinasie met geometrie en getalle later uitgebrei het tot sy bydrae tot die potspel-wêreld met die uitvinding in 2006 van die wêreld se beste mikafrigter, The Billiard Aim Trainer (BAT), en later met sy boek, The Yoga of Pool, waarin hy sy liefde vir potspel met Oosterse wysheid gekombineer het. Paul is op die oomblik die internasionale direkteur van Food for Life Global, ’n wêreldwye netwerk van organisasies wat plantgebaseerde voedsel voorsien. Hy het vir meer as 30 jaar vrywillige werk vir hierdie niewinsgewende organisasie gedoen en meer as 60 lande dwarsdeur Europa, Asië en die Amerikas besoek om die NWO internasionaal uit te brei. Die NWO bedien daagliks tot tweemiljoen maaltye vir diegene in nood. In 2011 het Paul Food Yoga – Nourishing Body, Mind & Soul geskryf en gepubliseer om mense oor die antieke, geestelike tradisi