Manîfestoya Komunîst (Kürtçe)

Ji van berheman Manîfestoya Komunîst e ku yekemîn berhema herî berbelav a sosyalîzma zanistî ye. Di vê berhemê de ramana sosyalîst bi awayekî kurt û puxteyî, bi zimanekî rewan û wêjeyî hatiye pêşkêşkirin. Manîfestoya Komunîst ji hêla danerên ramana markîzmê Karl Marks û Friedrich Engles ve di sala 1848’an de hatibû nivîsandin. Ji roja ku hatiye nivîsandin heta niha li gelek welatan, gelek çaran hatiye çapkirin, ji aliyê navdarî û berbelaviyê ve bi Quran û Încîlê re tê hevrûkirin. 

Li Tirkiyeyê bi zimanê tirkî gelek çapên wê hebûn, lê mixabin bi zimanê kurdî nehatibû çapkirin. Çapeke wê ya bi kurdî û tirkî ku di salên berê de hatibû kirin jî, ji ber ku bi awayekî baş nehatibû belavkirin, li piyaseyê peyda nabe. Ji ber vê yekê çapa Manîfestoya ya ku ji hêla Yordam Kîtapê ve hatiye kirin, ji aliyê weşangeriya kurdî ya markîst ve çapa yekemîn e. 

Di vê çapa bi hûrbînî û qelîte de wergera têkûz a Manîfestoyê û pêşgotina wergêr Samî Tan cih digirin. 

*** 

“Komunîst veşartina raman û dilxwaziyên xwe red dikin. Ew diyar dikin ku bi tenê dikarin bi riya ji binî ve hilweşandina teveka pergala civakî ya heyî bigihêjin armanca xwe. Bila qe çînên serdest bi tirs û sawa şoreşeke komunîst bilerizin. Ji bilî zincîrên xwe tiştekî ku proleter ji dest bidin nîn e. Lê cîhaneke ku bi dest bixin heye. 

Karkerên hemû welatan, bibin yek!”