अभिभावकीय नियन्त्रणहरू

"Family Link को अभिभावकीय नियन्त्रण" भनेको "अभिभावकका लागि Family Link" को सहयोगी एप हो। कृपया आफ्ना बच्चाले प्रयोग गर्ने डिभाइसमा मात्र यो एप डाउनलोड गर्नुहोस्।

Google को "Family Link को अभिभावकीय नियन्त्रण" एप चलाई हेर्नुहोस्। तपाईं Family Link एपका सहायताले किशोरावस्थाका वा सोभन्दा कम उमेरका आफ्ना बच्चालाई इन्टरनेटमा केही कुरा सिक्दा, गेम खेल्दा र सामग्री ब्राउज गर्दा मार्गदर्शन गर्न आफ्नो डिभाइसमार्फत टाढैबाट आधारभूत डिजिटल नियम तय गर्न सक्नुहुन्छ। तपाईंका बच्चा १३ वर्ष (वा तपाईंको देशले तोकेको न्यूनतम उमेर) भन्दा कम उमेरको हुनुहुन्छ भने तपाईं Family Link मार्फत उहाँका लागि Google खाता बनाइदिन सक्नुहुन्छ। यो खाता Google का धेरैजसो सेवा प्रयोग गर्न मिल्ने तपाईंको खाता जस्तै हुन्छ।


तपाईं Family Link को अभिभावकीय नियन्त्रणका सहायताले निम्न कार्य गर्न सक्नुहुन्छ:

आफ्ना बच्चालाई उपयुक्त सामग्री भेट्टाउन सघाउन

• आफ्ना बच्चाले एपमा गरेका गतिविधि हेर्नुहोस् - सबै डिभाइसमा स्क्रिन टाइम एकै हुँदैन। तपाईंका बच्चाले आफूलाई मन पर्ने एप चलाएर बिताउने समयका बारेमा जानकारी दिने रिपोर्ट हेरेर उहाँलाई Android डिभाइसमा सही कार्य गर्न सघाउनुहोस्। तपाईं दैनिक, साप्ताहिक वा मासिक रिपोर्ट हेर्न सक्नुहुन्छ।
• आफ्ना बच्चाका एपहरू व्यवस्थापन गर्नुहोस् - तुरुन्तै पाइने सूचनाका सहायताले तपाईं आफ्ना बच्चाले Google Play स्टोरबाट डाउनलोड गर्न चाहेका एप अनुमोदन वा ब्लक गर्न सक्नुहुन्छ। तपाईं आफ्नो डिभाइसमार्फत टाढैबाट आफ्ना बच्चाले एपभित्र गर्ने किनमेल व्यवस्थापन गर्नुका साथै उहाँको डिभाइसमा निश्चित एप लुकाउन सक्नुहुन्छ।
• आफ्ना बच्चाका जिज्ञासा मेटाउनुहोस् - तपाईंका बच्चाका लागि कुन एप सही हुन् भन्ने कुरा तय गर्न कठिन हुन सक्छ। त्यसैले Family Link ले तपाईंलाई शिक्षकले Android मा सिफारिस गरेका एप देखाउँछ। तपाईं ती एप सीधै उहाँको डिभाइसमा इन्स्टल गर्न सक्नुहुन्छ।


स्क्रिन टाइमको निगरानी राख्न

• सीमा तोक्नुहोस् - तपाईं आफ्ना बच्चाका निम्ति स्क्रिन टाइम तोक्न सक्नुहुन्छ। आफ्ना बच्चालाई समयको सदुपयोग गर्न सघाउन तपाईं Family Link मार्फत उहाँका सुपरिवेक्षित डिभाइसमा समय सीमा र सुत्ने समय तोक्न सक्नुहुन्छ।
• आफ्ना बच्चाका डिभाइस लक गर्नुहोस् - बाहिर खेल्न जाने, खाना खाने वा परिवारसँग समय बिताउने समयमा आफ्ना बच्चालाई डिभाइस चलाउन नदिन तपाईं टाढैबाट सुपरिवेक्षित डिभाइस लक गर्न सक्नुहुन्छ।


आफ्ना बच्चाको लोकेसन हेर्न

• तपाईंका बच्चा कतै गएका बेला उहाँको लोकेसन थाहा पाउने सुविधा निकै उपयोगी हुन्छ। तपाईंका बच्चाले Android डिभाइस साथमै लिएको अवस्थामा मात्र तपाईं Family Link मार्फत उहाँको लोकेसन हेर्न सक्नुहुन्छ।


महत्त्वपूर्ण जानकारी

• तपाईंका बच्चाको डिभाइसअनुसार Family Link मा उपलब्ध संयन्त्रहरू फरक हुन सक्छन्। कम्प्याटिबल डिभाइसहरूको सूची हेर्न families.google.com/familylink/setup मा जानुहोस्
• तपाईं Family Link मार्फत आफ्ना बच्चाले Google Play बाट खरिद तथा डाउनलोड व्यवस्थापन गर्न सक्नुहुन्छ। तर एप अपडेट गर्न (थप अनुमति माग्ने अपडेटसहित), तपाईंले अनुमोदन गरिसकेका एप वा पारिवारिक लाइब्रेरीमा सेयर गरिएका एप इन्स्टल गर्न उहाँलाई तपाईंको अनुमति चाहिँदैन। अभिभावकले Family Link मा गई आफ्ना बच्चाका डिभाइसमा इन्स्टल गरिएका एप र तिनलाई दिइएका अनुमति नियमित रूपमा समीक्षा गर्नु पर्छ।
• तपाईंले आफ्ना बच्चाको सुपरिवेक्षित डिभाइसमा इन्स्टल गरिएका एप ध्यानपूर्वक समीक्षा गर्नु पर्छ र तपाईंलाई उहाँले चलाउनु हुँदैन भन्ने लागेका एप असक्षम पार्नु पर्छ। स्मरण रहोस्, तपाईं इन्स्टल भएरै आएका केही एप भने असक्षम पार्न नपाउन सक्नुहुन्छ।
• तपाईंका बच्चाको डिभाइस अन भएको, हालसालै सक्रिय रहेको र इन्टरनेटमा कनेक्ट भएको अवस्थामा मात्र तपाईं उहाँको लोकेसन हेर्न सक्नुहुन्छ।
• शिक्षकले सिफारिस गरेका एप सं. रा. अमेरिकामा बस्ने निश्चित उमेरका बच्चाका अभिभावकका Android डिभाइसमा मात्र उपलब्ध हुन्छन्।
• तपाईं Family Link मा उपलब्ध संयन्त्रमार्फत आफ्ना बच्चाका अनलाइन गतिविधि व्यवस्थापन गर्न सक्नुहुन्छ तर यसले इन्टरनेट सुरक्षित भने बनाउँदैन। बरु, यसले अभिभावकलाई आफ्ना बच्चाले इन्टरनेट प्रयोग गर्ने तरिका तय गर्न र सो बारेमा कुराकानी गर्न प्रोत्साहित गर्छ।