Practical Geography-I (प्रात्यक्षिक भूगोल-१)

‘प्रात्यक्षिक भूगोल’ हा निरीक्षण व कौशल्याधीष्ठीत विषय आहे. २१ व्या शतकातील दूर संवेदन (Remote Sensing), भौगोलिक माहिती प्रणाली (Geographical Information System), जागतिक स्थान निश्चिती प्रणाली (Global Positioning System) इ. तंत्रज्ञानाच्या वापरामुळे प्रात्यक्षिक भूगोलाच्या अभ्यासास अचूकता व गतिमानता प्राप्त झालेली आहे.

 ‘भूगोलशास्त्र (Geography)’ हा चार भिंतीबाहेर अनुभवातून शिकण्याचा विषय आहे. हा अनुभव घेण्यासाठी नकाशा मार्गदर्शक ठरतो. या नकाशाची निर्मिती केव्हा झाली? त्याचे मुलभूत घटक कोणते? नकाशाशी संबंधित शास्त्रास काय म्हणतात? नकाशात दिशा, वृत्ते कशा रीतीने निश्चित करण्यात येतात? संख्यांचे वाचन, अंतर व वेळेचे मापन करण्याची एकके कोणती? नकाशा प्रमाण, नकाशा प्रक्षेपण म्हणजे काय? त्यांचे प्रकार कोणते? असे अनेक प्रश्न जिज्ञासा उत्पन्न करतात. अशा नकाशाशास्त्राशी संबंधित प्रश्नांची उत्तरे निश्चितच या पुस्तकात आपणास मिळतील असे वाटते.

प्रस्तुत पुस्तकासाठी जे-जे संदर्भ साहित्य मला उपयुक्त ठरले त्या सर्व ज्ञानसागरांचा मी शतशः ऋणी आहे. आपल्या या भूगोलशास्त्रातील अनमोल कार्यामुळेच भूगोलशास्त्राचे भविष्य उज्ज्वल आहे.

धन्यवाद!!!!